“Зарбдор элеватори” акциядорлик жамиятининг 2015 йил молия-хўжалик фаолияти якунлари бўйича акциядорларнинг навбатдаги йиллик Умумий йиғилиши 2016 йил 30 апрель куни соат 11.00 да жамият биносида бўлиб ўтади. Манзил: Зарбдор тумани, Охунбобоев кўчаси, 1-уй.
Акциядорларни рўйхатга олиш соат 10.00 дан бошланади.
Жамиятнинг Умумий йиғилишида иштирок этиш ҳуқуқига эга акциядорлар рўйхати (реестр) 2016 йил 27 апрель ҳолатига ёпилади.

Умумий йиғилиш кун тартиби:
Йиғилиш регламентини тасдиқлаш.

1. Саноқ комиссияси сон ва шахсий таркибини тасдиқлаш.
2. Жамиятнинг 2015 йилги молия-хўжалик фаолияти якунлари ва 2015 йилги бизнес режасининг бажарилиши тўғрисида жамият бошқаруви раисининг ҳисоботини тасдиқлаш.
3. Жамиятнинг 2015 йил якуни бўйича йиллик баланси, молиявий натижалар ҳисоботини ва соф фойда тақсимоти бўйича жамият бош ҳисобчисининг ҳисоботини тасдиқлаш.
4. Жамиятнинг 2015 йил якуни бўйича Тафтиш комиссиясининг ҳисоботини тасдиқлаш.
5. Жамиятнинг 2015 йилги фаолияти бўйича аудиторлик текшируви хулосасини тасдиқлаш.
6. Жамият бошқаруви раиси билан тузилган меҳнат шартномаси муддатини 1 йилга узайтириш.
7. Жамиятнинг 2015 йил молиявий-хўжалик фаолияти якуни билан олган 30844,0 минг сўм соф фойданинг 88 фоизини дивиденд тўловига, 5 фоизини тармоқ корхоналарини ривожлантириш фондига, 2 фоизини меҳнатни муҳофаза қилиш жамғармасига, 5 фоизини захира фондига ажратиш.
8. 2015 йил якунлари бўйича Кузатув кенгаши раисининг ҳисоботини тасдиқлаш.
9. Жамиятнинг 2016 йил молия-хўжалик фаолиятига хулоса учун аудиторлик фирмасини белгилаш ва унга бериладиган тўлов миқдорини тасдиқлаш.
10. Жамиятнинг 2016 йил учун бизнес режасини тасдиқлаш.
11. Жамиятнинг Кузатув кенгаши янги аъзолари таркибини сайлаш.
12. Жамиятнинг Тафтиш комиссияси янги аъзоларини сайлаш.
13. “Корпоратив бошқарув кодекси” тавсияларига риоя этиш мажбуриятини олиш.

Умумий йиғилишда кўриладиган масалалар билан боғлиқ ахборотлар ҳамда ҳужжатлар жамиятнинг www.zarbdordon.uz веб-сайтига жойлаштирилди, шунингдек акциядорлар жамиятнинг қимматли қоғозлар бўйича мутахассиси орқали бевосита танишишлари мумкин.

“Зарбдор элеватори” акциядорлик жамиятининг 2016 йил 1 январь ҳолатига кўра бухгалтерия баланси, 2015 йил молиявий йил натижаларини маълум қилади.